Ала допты аяғына салып алып, жүйтки жөнелгенде қарсылас қақпасына қауіп төндіріп, тепкен добы қақпада тулап жататын жас футболшы Нұрсипат Жексембайұлы 2008 жылдың 3 қазанында Атырау қаласында дүниеге келді. Өзгелер секілді емес, футболға деген қызығушылығын әуесқойлықтан кәсіпқой футболшыға айналдыруды мақсат етіп, үнемі жаттығу залынан шықпайтын бойында бір ерекше қабілет байқалып тұратын жас дарынды футбол спортының жарық жұлдызы десек те болады. Былғары допты еркін меңгерген талантты жас Нұрсипат №43 «Арман» балабақшасында тәрбиеленіп, бүгінде №36 мектеп-гимназиясында үздік оқушылардың сапында білім алуда. Нұрсипат үшін қашан да ақыл-кеңесін беріп, адами құндылықтарды бойына сіңірген 84 жастағы зейнеткер әжесі Тегісбаева Зылиханың орны ерекше. Адамгершілігі мол әкесі Бигалиев Жексембай мұнай саласындағы «SAIPEM» ЖШС-інде көп жылдар бойы бұрғылаушы болып еңбек етуде. Мейірім-махаббаттың көзі аяулы анасы Дюсенова Айман – «Каспий Нефть» акционерлік қоғамының қызметкері. Нұрсипаттың әпкесі Жакенова Ләззат жеке мекемеде есепші болып еңбек етсе, сауат ашып, оқу озаты болуына көп үлесін қосқан ағасы Жакенов Серік «Каспий Нефть» Акционерлік қоғамында лаборант болып қызмет атқарады. Тиянақты, жауапкершілігі мол Нұрсипат – сыныптағы белсенді оқушылардың бірі. Спортта ғана емес, сыныпішілік, мектепішілік өткізілген қоғамдық жұмыстарға белсене араласып, мектеп бағдарламасын меңгеруде де алдыңғы саптағы озат оқушылардың құрамында. Сыныпта өткізілген барлық сайыстарға қатысып, мерекелік іс-шараларда ән айтып, би билейтін өнерлі Нұрсипаттың сүйіп оқитын пәндері – математика және астрономия. Тылсым сырын ішіне бүгіп, ашылуын күтіп жүрген аспан әлемін бақылап, зерттегенді ұнатады. Мектеп ішіндегі кітапханаға жиі барып, аспан әлемі туралы мағлұматтарды біліп, зерттеп ізденумен қатар, компьютерде еркін жұмыс істей алатынының арқасында ғаламтор арқылы да көптеген мәліметтер жинап, білім деңгейін көтеріп отырады. Қандай істе де жан-жақтылығы басым Нұрсипат ізденуден, білім деңгейін көтеруден, спортқа деген ұмтылысын арттырып отырудан әсте жалыққан емес. Үлкен армандарының бірі дәрігер-хирург болумен қатар, астрономия саласында жаңалықтар ашып, спортта футболдан Әлем чемпионатында Қазақстан құрамасының қатарында топ жару. Талабы күшті талантты оқушының жеңіске жетер күні де алыс емес.
      Сүйікті ісі: Спортпен шұғылдану, футбол ойнау, аспан денелерін зерттеу.
      Арманы: Атақты футболшы және актер болып, танымал тұлға атану.