«Сөзге берік, сегіз қырлы, бір сырлы болу менің идеалым!» – деген бағыттағы озық ойлы жас. Тағылымды тарихы бар, құмын бассаң, тасы сөйлейтін, ақжарқын адамдарымен ерекшеленетін маңғаз Маңғыстаудың айдыны аққулы Ақтау қаласында бір отбасын шадыман шаттыққа бөлеп 2005 жылы 4 қазанда өмір есігін ашқан Рамазан – бір отбасының  үкілеген ақ үміті мен сенім артар ел ертеңі. Отбасының мәуелі бәйтерегі,  нағашы әжесі Караева Үзімхан – Еңбек және Тыл ардагері. Немерелеріне тәлімді тәрбие беріп, бар тәттісін аузына тосатын ақпейіл әже, немерелерінің сүйіктісі.Биік болмысты, жоғары ұстанымды, үлгі тұтар әкесі Сырлыбаев Сержан Ходжағұлұлы – «Маңғыстау мұнай-газ» машинисті. Ақ орамалындай ниеті аппақ, көңілі таза асыл анасы Бакходжаева Ақкенже Сарсенқызы – жеке кәсіпкер. Олар бар жақсыны балаға арнау керек деген ұстанымдағы жандар. Рамазанның алдындағы жанашыр әпкесі Динара – «Дарын» мектебінің 10-сынып оқушысы болса, ізінен ерген інісі Рүстем – Н.А.Некрасов атындағы ағылшын орта мектебінің 2-сыныбында оқиды. Екеуі де білімпаз, озат оқушылар қатарында.Тумысынан зерек, білімсүйгіш өрен Рамазан Сержанұлы бүгінде Ақтау қаласындағы ІТ мектеп-лицейінде білім нәрімен сусындауда. Үлкендердің ақыл-кеңесін жадында ұстап, талаптың белесінде жүрген үлгілі ұлан, белсенді шәкірт жыл сайын марапаттарға  ие болып,  ұстаздарының  сенімінен шығып жүр. Ұстанымы жоғары ұлан салауатты өмір салтын ұстанып, спорттың көптеген түрлерімен айналысады. Мектебінің озық ойлы шәкірті Сырлыбай Рамазан – көптеген зияткерлік сайыстар мен білім бәйгелерінің, пән олимпиадаларының, спорттық жарыстардың жүлдегері. 
      Жетістігі: 2017 жылы «Морской бриз» атты жалпы білім беруші мектептер мен колледждер арасындағы кросстық сайыс бойынша «Красивый бег» номинациясын иемденіп, Жеңіл атлетика бойынша қалалық Чемпионаттардың І және ІІ орын жеңімпазы болып табылды. Спорт күніне арналған Жеңіл атлетикадан өткен қалалық сайыстың екі дүркін І орын жүлдегері. 2017 жылы Жеңіл атлетика бойынша жүгіруден қалалық Чемпионаттың 60 метрлік қашықтыққа жүгіруден ІІІ орын жүлдегері, Грамота иегері. «Әминада 2017» облыстық турнирінің эстафета бағдарламасында ІІ орынмен Диплом иемденеді. 2018 жылы 2005-2006 ж.т. жасөспірімдер арасындағы қалалық турнирге допты алысқа лақтыру сайысына қатысып, І дәрежелі Дипломмен марапатталды. Тұңғыш Президент күніне арналған Жеңіл атлетикадан көпсайыс бойынша І орын жеңімпазы. «Amimada – 2019» Республикалық турнирінде 300 метрлік қашықтық бойынша жүгіруден Диплом иегері.2020 жылы Қазақстан интернет олимпиадасы ұйымдастырған Физика пәні бойынша қашықтық олимпиадасының аудандық кезеңінің Мадақтамасын иемденіп, облыс бойынша І орынды жеңіп алып, Республикалық қашықтық олимпиадасының жеңімпазы атанып,  ІІ дәрежелі Диплом иемденіп,  шеберлігін шыңдап жүрген саңлақ спортшы.
      Сүйікті ісі: Жаңа ғылыми, саяси мағлұматтарды баспасөз және интернет беттерінен оқып, өзіне ұнаған тақырыптарды тереңірек зерттеу. 
      Арманы: Талабы таудай, ұстанымы жоғары, мақсаты биік дарабоз ер жеткенде тегеуріні темірдей, жігері от, кеудесі жалын жас, танымал тұлға болуды армандайды.