«Білім – әлемді өзгертуге қабілетті ең қуатты қару», – дейді әйгілі  саясаткер Нельсон Мандела. Шынында да, жас ұрпақ терең біліммен қаруланса, ол бағындырмайтын асу мен биіктік болмасы анық. Ол үшін өзін жан-жақты дамытып, тың идеялар мен жаңа көзқарасты қалыптастыра отырып, болашаққа сенім артады. Алға қойған мақсаты жолында, отбасының сенімінен шығып отырған жас ұланның қатарында Дінмұхамед Бахытжанұлы да бар. Дарынды өрен Нұрмаш Дінмұхамед  2006 жылы 1 мамырда Жамбыл облысы, Сарысу ауданы, Жаңатас қаласында дүниеге келді. Шаңырақтың қадірлі атасы Мұқашұлы Нұрмаш сүйікті немересінің есімін қазақ халқының біртуар азаматы  Дінмұхамед Қонаев атасындай ұлы тұлға болсын деген мақсатпен қояды. Атасы – 1990 жылдары Жайылма кеңшарында есепші қызметін атқарған көзі ашық, көкірегі ояу азаматтардың бірі. Асылдың сынығындай алтын әжесі Жұмаділдаева Күлсара – немерелерінің еркелігі мен тәтті қылығына сүйсініп отырған мейірім иесі.  
Оқуға деген, білуге деген  құмарлықты дамыту – өсіп-жетілудің, дамудың белгісі. 2008-2011 жылдар аралығында «Айгүл» балабақшасының тәрбиесімен жетілген Бала Димаш   тәжірибелі тәрбиешісі Хадиша Оразбаева апайының өнегелі тәрбиесімен қалыптаса отырып, 2011 жылы Ш.Уәлиханов атындағы мектеп-гимназиясының табалдырығына қадам басты. Қолына қалам ұстатып, білімнің шексіз айдынына бағыттаған алғашқы ұстазы Шыныбаева Анипа ұстазының білім нәрімен сусындайды. Бүгінгі таңда ағылшын тілін тереңдетіп оқытатын білім ошағының үздік шәкірті. Сынып жетекшісі Турабаева Асель Орынбекқызының тәлімді тәрбиесі, ұстаздарының сапалы білімімен келешекке қанат қағып келеді. Жанұяның қамқоршысы, тірегі, әкесі Мұқашев Бахытжан Нұрмашұлы – «Сенімді Құрылыс» компаниясының қызметкері, аяулы анасы  Садибекова Бақытжан Елтайқызы – «Балдырған» балабақшасының  тәрбиешісі. Алдындағы ақылшы әпкесі Ғазиза Бақытжанқызы – Тараз қаласындағы «Білім-инновация» лицейі  кадр бөлімінің маманы.Талантты оқушы Димаш та сапалы білімімен қатар, спорт пен Өнер мектебінің домбыра сыныбында жан-жақты қабілетін жетілдіріп, табыстың биігінен көрініп, отбасы жақындарының сенімі үдесінен шығып жүр.
      Жетістігі: Түркістан қаласында өткен менталды арифметика бойынша Халықаралық  «ISMA» орталығының  Оңтүстік аймақтық олимпиадасында I дәрежелі Диплом жеңімпазы; Халықаралық олимпиадада математика пәні бойынша сертификат иесі; Алматы қаласында өткен менталды арифметика бойынша Халықаралық  конкурсында   «С-3» дәрежесі бойынша II дәрежелі Диплом иегері;  Менталды арифметика курсы бойынша Оңтүстік Қазақстан облыстық олимпиадасында да I дәрежелі Диплом жеңімпазы, сертификат иегері; Шымкент қаласында өткен ІІ қалалық олимпиада менталды арифметика бойынша  үздік нәтиже көрсеткені үшін Диплом иегері;  «Алтын белгі» білім беру орталығында дәреже, сынақ емтихандарын сәтті тапсырғандықтары үшін 1-4-деңгейлерді бітіргенін растайтын сертификаттары; «Дарын» Республикалық ғылыми практикалық орталығының ұйымдастыруымен болған «Ақбота – 2015» интеллектуалдық марафонына қатысқаны үшін сертификат иегері; Республикалық Дәстүрлі Интернет Олимпиада сайты Ағылшын тілі пәнінен онлайн олимпиаданың I дәрежелі Диплом жеңімпазы; «Жұлдыз» балалар сауықтыру лагерінде спорттық іс-шараларға белсене қатысқаны үшін мадақта марапаты; «Talantty jastar»  Республикалық өнер және білім байқауында «Аспапта ойнау» (Домбыра) бөлімі бойынша  ІІІ дәрежелі Диплом жүлдегері.
      Сүйікті ісі: Математика, химия, информатика пәндерін ұнатады. Домбыра тартады.
      Арманы: Қазақ елінің абыройын асқақтататын білікті де білімді заңгер атану.