Балалықтың бақытты аспанын әнімен, сәнімен нұрландырып жүрген дарынды жас Әсенғазықызы Ажар 2008 жылы 14 тамызда ару қала Алматыда дүниеге келген. Бүгінгі күні Алматы облысы, Іле ауданы, М.Түймебаев атындағы ауылдың  №20 орта   мектебі 6 «В» сыныбының үлгілі шәкірті. Мектеп мақтанышы.  Әкесі Кәкімбаев Әсенғазы мен  анасы Қыдырбаева Айгүл қыздарының кішкентай күнінен әнге, өнерге жақындығын аңғарып, музыкалық үйірмелерге, байқауларға қатыстырған. Ажардың өнерге бейімділігі әкесі мен нағашы әжесіне тартқан. Нағашы әжесі Әнәпия өнерге жақын жандардың бірі еді. Әкесі де  қазақтың қара домбырасымен ән айтады. Анасы Айгүл  – мектептегі қоғамдық іс-шараларға қатысып, қызына үлгілі тәлім-тәрбие беріп отырған парасатты жан. Талантымен танылған өнерлі жас, Мәмет Ажардың білім мен өнер жолында бағыт-бағдар берген ұстаздары мен жетекшілері: Мектебіміздің директоры Құткелдиева Мейрамгүл Бекбатырқызы, Бастауыш сынып жетекшісі Аягөз Алтынбекқызы, қазіргі таңдағы сынып жетекшісі Асемгүл Ғабитқызы Ажардың сабақ үлгеріміне қолдау көрсетіп жүрсе,  музыкалық жетекшілері Мусаева Галия, Исаева Гуля  апайлары,   «Мен де жұлдыз боламын» өнер орталығының директоры Лариса Мақсатқызы жас әншінің өнер жолында дараланып көрінуі жолында еңбек етті. Талантты шәкірт осы орайда сүйікті ұстаздарына шәкірттік алғысын жеткізеді. 
      Жетістігі:«Еңсесі биік 25 жыл» атты балалар мен жасөспірімдер арасындағы Республикалық көркемсөз, ән-би байқауында «Эстрадалық вокал» номинациясы бойынша І дәрежелі Диплом жеңімпазы; мектепішілік «Әнші балапан» байқауында үлгілі өнерімен І орын иегері; Республикалық «Дара бала» журналының ұйымдастыруымен өткен байқауда «ДАРА ТАЛАНТ» номинациясы мен І дәрежелі Диплом иегері; Халықаралық «Тәуелсіз ел – тұғырым» атты балалар мен жасөспірімдер арасындағы ән-би байқауының «Эстрадалық вокал» номинациясы бойынша І дәрежелі Диплом жеңімпазы; «AUENMEDIA» PRODUCTION ұйымдастырған  Халықаралық   «Мен де жұлдыз боламын» атты телебайқауға қатысып, үздік өнері үшін Диплом жеңімпазы; Алматы қаласы студенттер сарайында өткен «Мен де жұлдыз боламын» атты Республикалық  гала   концертте өнер көрсетіп Гран-При иегері және Түркия еліне жолдама алды.  Түркия елінде Стамбұл қаласында Қазақ  Елінің атынан бағын сынап,  Мақтау грамотасы  және фестивальға жолдама  иегері атанған. Altay koy Халықаралық фестивалінде  үлгілі өнерін көрсетіп, еліміздің абыройын асқақтатып  Грамота иеленіп, «Жұлдыз» продюсерлік орталығының Республикалық жас өнерпаздар шығармашылық телебайқауына қатысып, вокал номинациясы бойынша І дәрежелі лауреаты және Диплом жеңімпазы;  «Алатау» дәстүрлі театрында  балалар мерекесіне арналған гала  «Golden Agro – 2019  «Мен де жұлдыз боламын» Халықаралық телевизиялық конкурсының  І дәрежелі Дипломы мен Грузияға жолдама иегері; Республикалық «Дара бала» журналының  100 дарын иесі; Фариза Оңғарсынованың 80 жылдығына орай Республикалық «Мен де жұлдыз боламын»  байқауының үздік өнер иесі атанып, Түркияға жолдама иегері; Іле ауданында ұйымдастырылған Републикалық «Өнер алаңы» байқауына қатысып, ІІ орын жүлдегері атанған   талантты жас.
      Сүйікті ісі: Ән айту, табиғат аясында демалып, тауға шығу. Туыстары Алакөлге жақын болғандықтан,  көлге жиі барып суда жүзгенді жақсы көреді.  
      Арманы:  Ән өнерімізге жарық жұлдыздай сәуле шашып, айрықша із қалдыратын сахна жұлдызы атану.