Өнегелі отбасында өресі биік ата мен мейірімді әженің тәрбиесін  бойына сіңірген перзенттері саналы тәрбие, биік адамгершілік үлгісін көріп  өседі. Оның  атасы  мен әжесі – көпті көрген данагөй қариялар, отбасындағы перзенттерін ұлттық ұлылыққа баулып, ізгі қасиеттерді бойларына сіңіруде тәлімді тәрбие беріп келеді. «Бала тәрбиесінде жас баланы еңбекке баулу керек. Еңбек тәрбиесіне баса назар аудару қажет. Еңбекке тәрбиелемей тұрып, балаға дұрыс тәрбие бердім деп айту – екі талай» деген жазушы С.Көбеевтің парасатты ойын басшылыққа алатын шаңырақтың қазыналы  қарттары: құрметті атасы Ермашев Кеңес пен ардақты әжесі Ермашева Василья  – зейнет жасындағы жандар. Шаңырақтың қорғаны, асқар тауы әкесі Ермашев Еркеш  пен   отбасының берекесі мен ұйытқысын сақтап отырған отанасы Айтжанова Құралай және арқа сүйер, қайсар мінезді ағасы Кеңес Сырым – өзінің жарқын болашағын ғылымның жаңа ізденісімен, сара жолымен  байланыстырғысы келетін жас ізденуші Мұхаммедалидің  өмірдегі ең қымбат қазыналары. Мұхаммедали  Еркешұлы 2002 жылы 1 қарашада Тараз қаласында өмірге келген. Дарынды ұлан 6-сыныбына дейін Ғ.Қайырбеков атындағы №2 гимназияның қабырғасында сапалы білімімен дарабоз атанса, бүгінгі күні «Білім-Инновация» лицейінің 10-сыныбы шәкірті атанып, кемел білімімен келешекке қадам басып барады. Сабақта үздік, ойы ұшқыр талантты оқушы. Адамзаттың ақыл-ойын дамытатын шахмат ойынына деген қызығушылығы ерекше. 
      Жетістігі: Халықаралық биология пәні олимпиадасында ІІІ дәрежелі Дипломы мен қола медаль иегері;  VІІІ Халықаралық Қ.Сәтпаев атындағы олимпиадасы «Биология» жобасы бойынша ІІІ дәрежелі Диплом жүлдегері;  ЖББ пәндері бойынша Республикалық олимпиаданың  ІІІ қалалық кезеңінда биология пәні бойынша 2019 жылы ІІ, 2020 жылы   І дәрежелі Диплом жүлдегері; Шахматтан біліктілігін анықтайтын І разряд нормасында ІІІ орын Грамотасы;  ІІІ разрядты  нормамен турнирінде ІІІ разряд сертификаты; І разрядты нормамен ІІ разрядты орындағаны үшін сертификаты: «Снежинка» спорттық ашық балдық биінде І дәрежелі Дипломы мен медаль иегері; Қарағанды облыстық чемпионатында би турнирінде І орын жеңімпазы; Қазақстан би олимпиадасында ІІ дәрежелі Диплом жүлдегері атанады. 
      Сүйікті ісі:  Шахмат ойынын ұнатады. Спортпен айналысады.
      Арманы: Ғылыми жаңалықтар ашып, ғылым мен инновация  жолында білікті маман атану.