Ата-анаға деген құрметті бәрінен жоғары қоятын өрелі өрен Жандарбекова Гүлзат Батыс Қазақстан облысы, Казталовка ауданы, Болашақ ауылында  2005 жылы 5 мамырда өнегелі отбасында өмір есігін ашқан. Бала – өмірдің мәні, көңілдің сәні, алға жетелер шамшырақ деп қарайтын отбасында бес жұлдыздай жарқыраған 5 бала: Қазыбек, Махамбет, Гүлзат, Қарақат, Исатай тәрбиеленуде. Отбасындағы бес ағайынды өзара өте тату, бірін-бірі айтқызбай ұғысады. Бауырмал Гүлзат қай кезде де жақсы қырынан көрініп, үлгі боларлық іс атқаруға тырысады. Асқар таудай әкесі Утешов Жандарбек – жеке кәсіп иесі. Жайсаң мінезді, жаны сұлу, мейірімді анасы Акималиева Лаззат Сагиналықызы – тәжірибелі аспазшы, өз ісінің шебері. Жастайынан білімге ынтық Гүлзат қазіргі кезде Тасқала аудандық білім бөлімінің «Сәулет» мектеп-лицейінің 9 «Ә» сыныбында білім көкжиегін бағындыруда. Ертеңгі болашағын бүгін өз қолымен жасап жатқан мақсатшыл жас сабаққа ынталы, қоғамдық жұмыста белсенді, досқа адал, сырға берік. Гүлзат бүгінде озат оқушы, сынып старостасы. Алғашқы ұстазы Халелова Эльмира Мутиголлақызының өлшеусіз еңбегінің арқасында өрелі өреннің жеткен жетістіктері көп, дегенмен өнерлі қыз әрі қарай даму үстінде. Мектепте болатын барлық іс-шараларға үзбей қатысатын білімпаз шәкірт, заманауи жас бүгінде білікті маман, ұлағатты ұстаз Аманбек Самиғоллаұлының жетекшілігімен таным көкжиегін кеңейтуде.
      Жетістігі: Жандарбекқызы Гүлзат – Мақтау қағаздарының иегері, үздік оқушы, мектеп мақтанышы. 2015 жылы VІІІ облыстық «Зерде – 2015» интеллектуалды марафон-турнирінің Жеңімпазы. 2015-2016 оқу жылында мектепішілік Мұқағали оқуларына қатысып, ІІ орын жүлдегері атанды. 2017 жылы Республикалық пән олимпиадасының мектепішілік кезеңінде Қазақ тілі мен әдебиеті пәні бойынша және 2018 жылы Физика пәні бойынша Республикалық қашықтық олимпиадасының ІІІ дәрежелі Диплом иегері. Үлгілі шәкірт Гүлзат Жандарбекованың ата-анасына «Сәулет» мектеп-лицейінің атынан Алғыс хат табыс етілді. «Ақ желкен – 2018» математикалық регатасына белсенді қатысқаны үшін Диплом иемденді. 2019 жылы оздырылған физика және информатика апталығында «Қызықты физика» сайысы бойынша жүлделі ІІІ орын алған. Өнерлі қыз «Ақшақар аруы» байқауының «Әдемі ару» номинациямын жеңіп алды. «Кенгуру – математика для всех» Республикалық интеллектуалдық конкурсының, www.nio.kz Республикалық Ұлттық Интернет Олимпиада сайты ұйымдастырған Биология пәнінен   Сертификаттардың иегері. Гүлзаттың келешекте биік белестерді бағындыратыны анық.
      Сүйікті ісі: Кітап оқу, анасына көмектесу, қажетті ақпараттарды зерделеу.
      Арманы: Жоғары білім алып, физика-математика пәнінің мұғалімі болу. Халық қалаулысы болып, ел үшін еңбек ету, Ұлы Қазақ Елінің гүлденуіне өз үлесін қосу.