«Ақыл, қайрат, жүректі бірдей ұста, Сонда толық боласың елден бөлек» деген ұлы ойшылдың сөзін қуаттайтын өрелі өрендер қатарындағы  бала кезінен өте алғыр Букен Жалғас Нұрланұлы 2002 жылы 20 маусымда Ақмола облысы, Зеренді ауданы, Қанай би ауылында ынтымағы мен бірлігі жарасқан отбасында дүниеге келді. Текті әулеттің алып бәйтерегі, атасы Букенов Жеңіс – дербес зейнеткер, абыройлы азамат. Ақпейілді, жайсаң мінезді әжесі Майтай Тайлаққызы – тілекшісі мен сүйеніші.  Нағашы атасы Балтабеков Құдаш Сәрсенұлы – Жалғастың үлгі тұтар тұлғасы, тұсбағдары. Сөзіне ісі сай, биік болмысты әкесі Букенов Нұрлан Жеңісұлы – Қызыл диплом иегері, майталман шебер. Шуағы мол мейірбан анасы Балтабекова Гулнар Кудашевна – жоғары білімді парасатты жан Бауырмал, көпшіл ұлдың алдында арқа сүйер ағасы Айдархан бар. Ағасы отбасылы, Сымбат есімді сүйкімді жеңгесі Жалғасқа қамқорлық көрсетіп жүреді.  Өзінен кейінгі Медина есімді қарындасы – мектеп оқушысы.  «Бауырмен өмір мәнді» дегенді қуаттайтын Гульмира, Думан, Альмира, Дариға, Жарас, Айтолқын, Ораз, Олжас және бөлелері Мейрам, Камил, Дариға, Әлішер, Жанна, Әсия, Аружан, Алихан, Рамазан  есімді жақын жандарын жақсы көреді. Әсіресе, нағашы атасын қатты құрметтейді. Бүгінде 91 жасқа келген зиялы азамат Балтабеков Құдаш Сарсенұлы –  КСРО және Қазақстанның Еңбек сіңірген мұғалімі, ұлағатты ұстаз. Жалғас – өте арманшыл, алдына мақсат-міндеттер қойып, соған жетуге талпынатын ізденімпаз өрен. «Калинка» балабақшасында оң мен солын танып, әдеп әліппесін үйренді. «Білім таусылмас қазына» деген бағыттағы ұлағатты ұлан қазіргі кезде Нұр-Сұлтан қаласындағы №18 орта мектептің 11-сынып оқушысы. Сынып белсендісі бос уақытында ағылшын тілін үйреніп, спортпен шұғылданады. Алдына қойған асыл мұраты – домбыра, гитара және фортепианода ойнауды меңгеру. Жаңашылдыққа құмар заманауи жастың  ІТ технологияға деген қызығушылығы басым.
      Жетістігі: Букен Жалғас – 6-10 сыныптарын жақсы оқығаны үшін Мадақтама иемденген үлгілі оқушы. «Русский медвежонок», «Кенгуру – лингвист», «BRITISH BULDOG» Халықаралық ойын конкурстарының, «Ақ бота» интеллектуалдық марафонының Сертификаттары иегері. 2017 жылы қалалық Химия олимпиадасының жеңімпазы, ІІІ дәрежелі Диплом алды. 2018 жылы Химия пәні бойынша қалалық олимпиадаға  қатысып, ІІ дәрежелі Диплом иегері атанды. 2018 жылы «Басқару колледжінде» ЖШС өткен жалпы білім беру пәндерінен қалалық олимпиадаға 2019 оқу жылында коммерциялық негіздегі мамандыққа бірінші жыл 10% жеңілдікпен түсе алатындығына кепілдік бере алатын Сертификат иемденді. 10-сыныпта «Жұлдызды жаңбыр – 2019» бойынша Алғыс хат алып, мерейі үстем болды. 2019 жылы Нұр-Сұлтан қаласы білім беру мекемелерінің 10-сынып оқушылары арасында Математика пәнінен өткен «Алтын түлек» олимпиадасынан 85 мектептен қатысқан оқушылар арасынан суырылып шығып,  ІІІ дәрежелі Дипломның жүлдегері. Кекушинкай каратэ спортымен айналысып, Сертификаттар алған. Прага қаласының «UniSchool – Akcent College» дайындық курсына жолдама жеңіп алып, алдағы уақытта білімін сол жақта жетілдіреді.   
      Сүйікті ісі: Жүзу спортымен айналысу, баскетбол, футбол ойнау, гүл өсіру және жылдамдықта ( 1 минутта) кубик рубик жинау.
      Арманы: Әлем елдеріне саяхат жасау, ІТ маманы, жеке кәсіпкер болу, танымал тұлға, құрметті азамат атану, халыққа адал қызмет ету, қайрымдылық шараларына қатысу.