«Ұлыңыздың табысы – мектеп ұстаздарының күнделікті ықтиятты еңбегі, қамқорлығы мен назарының нәтижесі. Сіздердің балаларыңыздың жетістіктері – біздің ортақ қуанышымыз және мақтанышымыз» деп жазылған мектеп басшылығының Алғыс хатын алып, ата-анасының мерейін тасытқан Рақыш Хамид 2009 жылдың 22 наурызында Алматы қаласында дүниеге келді. Ақ жарқын мінезді, үнемі күліп жүретін жайсаң мінезді балдырған қаладағы «Березка» балабақшасында тәрбиеленіп, ұлы білім ордасының табалдырығын «Данашым» физика-математика мектебінде аттаған өте қабілетті оқушы бүгінде М.Жұбанов атындағы №39 мектеп-лицейінде білім алып келеді. Қолына алған қандай істің де ебін тауып, шыр айналдырып алып кететін пысық бала атасы Ракишев Хамит  пен әжесі Ракишева Балжан және де нағашы ата-әжелері Абдраманов Аман мен Абдраманова Гүлзияның өнегеге толы тәрбие бесігінде тербеліп өсті. Асқар тау әкесі Ракишев Нұрсұлтан мен ай жүзді анасы Ракишева Ақмаралдың махаббаты мен мейіріміне бөленіп өсіп келеді. Хамидтың ізінен ерген Хамза есімді бауыры бар. Мектепішілік өткізілген пән сайыстары мен спорттық жарыстарда топ жарып, қоғамдық іс-шараларға белсене қатысып жүрген Хамид ғылымдардың атасы атанған математика және физика ілімдерін үйрену үшін үнемі ізденіс үстінде болып, кітап оқудан жалыққан емес. Араб тілін оқуға да құлшынысы күшті. Ақыл ойды дамытып, ұшқырлыққа, шешім қабылдауға үйрететін шахмат ойынын меңгерген. Салауаттылық өмір салтын ұстанып дзюдо күресімен айналысып, суда жүзуде алдына қара түсірмейтін құрыштай шыныққан Хамидтің болашағы жарқын, келешегі кемел. 
      Жетістігі: 1-2 сыныптарын өте жақсы оқығаны үшін және үлгілі тәртібі үшін Мақтау қағаздарының иегері. Бастауыш сынып математика пәнінен өткізілген Республикалық Ұлттық Интернет Олимпиадасынан I дәрежелі Диплом иегері. 2015 жылы ҚР Тұңғыш Президенті күніне арналған аудандық таэквондо жарысында +20 кг салмақта III орын,   1-сынып оқушылары арасында математика пәнінен өткізілген «Осенний Олимп» байқауынан Сертификат иегері. 2016 жылы «Данашым» физика-математика мектебінде өткізілген «Ұлт тірегі – тіл» атты тілдер апталығында «Ақшақар мен жеті ергежейлілер» атты ағылшын тілінде жүргізілген қойылымға белсене қатысқаны  үшін Мадақтамамен марапатталған. 2016 жылы Болгарияда өткізілген «MATHEMATICS WITHOUT BORDRES» IV Халықаралық жарыстың күзгі кезеңінен және Алматы қаласында Халықаралық менталды арифметикадан студенттер арасында өткізілген IV Республикалық жарыстан Сертификат иемденген. «Данашым» физика-математика мектебінде өткізілген «Жыл шахматшысы» атты сайыстың I орын жеңімпазы. 2017 жылы Болгарияда өткізілген  IV Халықаралық жарыстың қысқы кезеңінен және  WTF ережелері және шарттарына сәйкес, комиссия шешімі бойынша Сары белбеу иеленгені жөнінде Сертификат иегері. Таэквондодан (WTF) балалар және жасөспірімдер арасындағы «Alash» спорт клубының Ашық біріншілігінен +22 кг салмақ дәрежесінде II орын, 2017 жылы «Данашым» физика-математика мектебінде өткізілген математика пәні олимпиадасынан III орын алған. 2019 жылы Алматы қаласы Білім басқармасы Оқушылар сарайының ұйымдастыруымен «Жастар жылы» аясында «Бірлігі мықты жастар – болашаққа жол бастар» атты қалалық оқушылар арасында өткен олимпиаданың  II орын жүлдегері.           
      Сүйікті ісі: Шахмат ойнау, робототехника құрастыру, суда жүзу, дзюдо спортымен айналысу, қосымша білімін жетілдіру, отбасына көмектесу.
      Арманы: Ел экономикасына өз үлесін қосатын кәсіпкер болу.