Төрткүл әлемді жұмылдырып, бейбітшілік пен татулық бесігінде тербелтіп тұрған спорт пен өнер таланттылар мен дарындылардың бағындыратын теңдессіз биіктігі. Осындай өнерлі де, дарынды, ерекше қабілетті бір отбасының қос қыраны Рымғалиев Нұрбол Нұрғалиұлы мен Рымғалиева Нұрсұлу Нұрғалиқызы 2009 жылдың 2 шілдесінде Семей қаласында дүниеге келді. Бірінен-бірін бөліп жара алмайтын сүйкімді балалар  бақыттың бесігінде қатар тербеліп, Нұр-Сұлтан қаласындағы 74 мектептің табалдырығын аттады. Қазіргі таңда №86 мектеп-гимназиясында білім алуда. Өмірге ынтық қос сәби атасы Көпбаев Рымғали мен әжесі Алпысбаева Мейрамгүлдің тәрбиесінде болып, кеуделері жыр-жақұтқа толы қариялардың өнегесін көріп, ақыл-кеңестеріне құлақ түріп өсіп келеді. Аласармайтын асқар тауына тең әкесі Көпбаев Нұрғали мен мейірім махаббаты жүзін нұрландырып тұратын анасы Айғожина Жаңагүлдің жан жылуына бөленіп жүрген Нұрбол мен Нұрсұлудың Айсұлу есімді кішкентай қарындастары бар. Мектеп бағдарламасын терең меңгеру үшін сабақтан қалмай, үнемі үлкен дайындықпен келетін қос шәкірт сыныптағы алдыңғы қатарлы оқушылардың бірі. Бойына күш-қайратын жиып, ер жігітке тән мінезді бойына сыйдырған Нұрбол бедел мен белбеу сынға түсетін жекпе-жектерге түсіп, облыстық, республикалық жарыстарда мектеп абыройын асқататып келеді. Сабақтан тыс үй шаруасына көмектесіп, жаттығу залдарына барып, демалыс күндері жүрегіне иман нұрын толтырып, діни сабақтар алып, арабша тіл үйреніп келеді. Болашақта халқына пайдасы тиер бір істің білікті де білімді маманы болып қалыптасуды алдына мақсат етіп қойған Нұрбол ғылым саласына сүбелі үлес қосуды армандайды. 
      Нұрболдың жетістігі: Мектепішілік өткізілген «Егіздер» сайысынан «Сегіз қырлы, бір сырлы» аталымының жеңімпазы, 2017 жылы Астана қаласында Наурыз мерекесі қарсаңында өткізілген «Алып соқ» Ашық турнирінен ІІ орынды жеңіп алды.Алматы қаласында өткізілген облыстық «Ынтымақ арттыру» атты жекпе-жек сайысынан ІІІ орын, 2019 жылы Нұр-Сұлтан қаласында өткізілген «Битва Батыров-3 ММА - 2019» жарысынан ІІІ орын; Елбасы Н.Ә.Назарбаевтың «Рухани жаңғыру» бағдарламасын қолдау аясында өткізілген жекпе-жектен ІІІ орын иемденген жүлдегер.2019 жылы Қарағанды қаласында өткізілген «Пояс Sparta» қалалық турнирінен ІІІ орын алып, №86 мектеп-гимназиясында өткізілген «Тілім менің – тірлігімнің айғағы» атты олимпиададан жеңімпаз атанып, қалалық олимпиадаға жолдама алып, мерейі үстем болды.
       Нұрсұлудың жетістігі: Ақын өлеңдерін нақышына келтіріп мәнерлеп оқу сатылай кешенді талдау сайысының ІІ орын жүлдегері. Наурыз мерекесінде өткен «Artshool ханшайымы» байқауында І орынды жеңіп алды. Қарағанды қаласында өткізілген Республикалық «Жас толқын» шығармашылық байқауынан І орын алған жеңімпаз. Мектепішілік өткізілген «Тілім менің – тірлігімнің айғағы» атты олимпиададан жеңімпаз атанып, қалалық олимпиадаға жолдама алған Нұрсұлу журналист болуды мақсат еткен.