Ойын толық, анық жеткізіп, пікірін ашық білдіретін, ғылымның қай саласына да болсын еркін бойлайтын қабілетті Апеков Рамазан Ержігітұлы 2006 жылдың 24 қыркүйегінде Алматы қаласында дүниеге келді. Кішкентайынан өте алғыр, жаңа ортаға тез бейімделіп тіл табысумен, ашық мінезімен ерекшеленген жас дарын қаладағы №156 балабақшасында тәрбиеленіп, жақсы қасиеттерді бойына сіңірді. Спорт, өнер саласында да жетістіктерге жетіп, жүлделі орындардан көрініп келеді. Тек алға ұмтылуды көздейтін Рамазан бастауыш сыныптарды Алматы қаласындағы Ш.Уәлиханов атындағы №12 білім ордасында оқып, бүгінде білімін С.А.Ходжиков атындағы №39 мамандандырылған мектеп-лицейдің 7 «В» сыныбында жалғастырып келеді. Мектепішілік, қалалық, облыстық, республикалық, халықаралық білім сайыстары мен олимпиадалардың жеңімпазы Рамазан – мектеп  мақтанышы.       1-4 сыныптарын өте жақсы оқығаны және үлгілі тәртібі үшін Мақтау қағаздарымен марапатталған. 2014 жылы ҚР Тәуелсіздігі күніне арналған Шотакан WSKF каратэ додан «Кумите» бағдарламасы бойынша III орын; 2016 жылы «Менталды арифметика» олимпиадасынан III дәрежелі Диплом; «ПОНИ» Халықаралық ойын-байқауынан Диплом; «Ақ бота» Республикалық интеллектуалдық марафонынан III орын; «Кенгуру – математика для всех» Халықаралық интеллектуалдық байқауынан III орын; Жыл сайын қалалық «ISMA-KAZAKHSTAN» менталды арифметика олимпиадасына қатысқаны үшін Сертификат; «Күншуақ» балалар орталығында менталды арифметикадан өткізілген УО «Тамос Эдьюкейшн Физико-математическая школа» олимпиадасына белсене қатысқаны үшін Алғыс хат; «Человек и природа» Бүкілресейлік ойын-байқауынан Сертификат; «Күншуақ» Халықаралық фестиваль-байқауынан «Вокал, хор» номинациясы бойынша I орын; Н.Тілендиевтің мемориалды музейінің ұйымдастыруымен өткізілген «Музей түні» атты іс-шараның «Әуенді тап» ән-жұмбақ айдарына белсене қатысқаны үшін Алғыс хат; 2017 жылы «IQ» Интеллекті дамыту орталығының 16 желтоқсан «ҚР-ның Тәуелсіздігі мерекесіне» ұйымдастырылған Республикалық «Тәуелсіз елім – тірегім» атты білімділер байқауында Рухани жаңғырудың үздік үлгісін үздік туынды арқылы көрсеткені үшін III дәрежелі Диплом; «Ақ бота» Республикалық иетеллектуалдық марафонынан II орын; 2019 жылы «Aiplus» оқу орталығында Назарбаев Зияткерлік мектептеріне арналған дайындық курсын табысты аяқтағаны үшін Мадақтама; «Кекушинкай Каратэ-до ұйымы» атынан 10 КЮ дәрежесі берілгені жөнінде Сертификат; «Күншуақ» Халықаралық фестиваль-байқауынан «Вокал, хор» номинациясы бойынша Гран-При иегері. ҚР Тәуелсіздік күніне арналған каратэ-до кекушинкайдан өткізілген Алматы қаласының чемпионатынан III орын алған жүлдегер.

      Рамазан Ержігітұлы – берекелі шаңырақтың ұланы, текті әулеттің жалғасы. Ата-әжесіне деген құрметі ерекше. Кеудесі ақыл-кеңеске толы атасы Апеков Нұрмұхан Ұлы Отан соғысынан «Ерлігі үшін» және «Қызыл Жұлдыз» ордендерін иемденіп, жеңімпаз болып оралып, зейнет жасына шыққанша тарих пәнінен ұстаздық етіп, шәкірт тәрбиелеген. Асылзат әжесі Апекова Тұрсын – ұлағатты  ұстаз, мейірбан жан. Цехтің шебері болып еңбек ететін асқар тау әкесі Апеков Ержігіт – абыройлы азамат. Аяулы анасы Апекова Римадан әдептілік пен имандылық нұрын бойына сіңіріп келеді. Каратэ спортымен айналысып, футбол ойнайтын, ақыл-ойды дамытатын шахмат ойынын терең меңгерген, жан-жақтылығын дамытып отыратын талантты Рамазанның алар асуы мен бағындырар белестері әлі  алда.