Жігерлі, төзімді, батыл, көпшіл Балтабай Ақжол 2006 жылы 31 қаңтарда көпбалалы  отбасында өмірге келген. «Болам деген баланың бетін қақпа, белін бу» деген ұстанымдағы кісілігі кемел ата-әжесі Садибеков Балтабай мен Садибекова Қалбибі – Ақжолдың тілекшілері. Жаны таза, жүрегі дархан, шарапаты мол ата-анасы Ақжолдың  жарқын болашағына сенеді. Алдында үлгі тұтар ағасы Диас бар. Ақжолдың ізінен ерген Ерасыл, Нұрдәулет, Нұрасыл, Асылжан, Рамазан, Айбек Ернұр, Жансая, Еркежан, Аяулым, Раяна, Сезім есімді бауырлары бар. «Нұр-Саят» балабақшасына барған Ақжол таным көкжиегін кеңейтті. Талапшыл ұл «Қайнар» мектебінің мектепалды даярлық тобына қабылданды. 1-4 сыныпқа дейін білім берген ұстазы – Ақылбекова Гүлнара Нартайқызы. Қазіргі таңда аталған білім ордасындағы маңдайалды оқушыларының бірі, сынып белсендісі, ата-анасы мен ұстаздарының мақтанышы Балтабай Ақжол аталмыш мектептің 8 «Г» сыныбында білім алуда. 5-сыныптан бері сапалы білім, саналы тәрбие беріп келе жатқан сынып жетекшісі Қасымова Аякөз апайына айтар алғысы шексіз.
      Жетістігі: Ақжол балабақшада жүрген кезінен бастап-ақ өз өнерімен танылды. 2015 жылы «Біз – есірткі құмарлыққа қарсымыз» атты ұранмен өткен Мақтарал ауданының Ашық біріншілігінде 10-11 жас аралығында +28 кг салмақ дәрежесінде жүлделі ІІІ орын алып, Мадақтама иемденді. 2016 жылы 2005-2006 ж.т. ұлдар және қыздар арасындағы ҚР біріншілігіне Оңтүстік Қазақстан облысының іріктеу турнирінде +30 кг салмақ дәрежесінде ІІІ орын иемденіп, Мақтарал ауданының біріншілігінде +32 кг салмақ дәрежесінде ІІ орын жүлдегері. ОҚО №3 ОРМБМЖ спорт мектебінің Ашық біріншілігінің +32 кг салмақ дәрежесіндегі ІІІ орын, Шымкент қаласында өткен Ашық біріншілігінде +34 кг салмақ дәрежесінде І орын иегері. Оңтүстік Қазақстан облысы оқушыларының «Алтын ұрпақ» зияткерлік олимпиадасының Сертификат иегері атанды. 2017 жылы тәртіпті, үздік және жақсы бағаға оқыған Ақжолдың ата-анасына Алғыс хат табыс етілді. «Толағай» қала сыртындағы сауықтыру лагерінің 6-кезеңінің демалушылары арасында өткізілген үздік жарысында «Достық» жасағының мүшесі Ақжол І орынды жеңіп алды. 2018 жылы таеквондодан (WT) спорт түрінен кадеттер арасында облыстың Ашық біріншілігінің +33 кг салмақ дәрежесінде ІІ орын иегері атанып, мерейі үстем болды. «Жетісай ауданының №1 БЖСМ-нің» Ашық біріншілігінде 12-14 жас аралығында +33 кг салмақ дәрежесінде І орын жеңімпазы. 2018 жылы таеквондодан (WT) спорт түрінен кадеттер арасында облыстың Ашық біріншілігінің +33 кг салмақ дәрежесінде ІІ орын иегері. Түркістан облысында өткен Чемпионатта жеке спаринг бойынша +40 кг салмақ дәрежесінде ІІІ орын жүлдегері. «Есірткісіз болашаққа» атты ұранмен өткен Жетісай ауданының Ашық біріншілігінде жас спортшы І орынды жеңіп алып, Дипломмен марапатталды. 2019 жылы Ақжол Сәкенұлы «Қызыл-Қара» түсті белбеу мен І GUP дәрежесі берілгенін растайтын Сертификат иегері атанды. Алматы қаласында таеквондодан «Champion» Республикалық Ашық турнирінде +42 кг салмақ дәрежесінде ІІ орынға ие болды. 
      Сүйікті ісі: Спортпен  шұғылдану, достарымен бас қосу, жақсы кино көру, сазды ән тыңдау, отбасымен бірге уақытты көңілді өткізу.
      Арманы: Болашақта Қазақстанның атын шығаратын таеквондошы атану. Фельдшер мамандығын меңгеріп, өз ісінің білікті маманы болып, адал еңбек ету.