Ағылшын философы У.Шекспир: «Жетістікке жетудің үш ережесі: өзгелерден артық білу, өзгелерден көп еңбектену, өзгелер күткеннен азға үміт ету» деген қағидасын басшылыққа алған зерделі жас Ажибек Алмаз  білім мен ғылымның жолында өз бейнесін сомдап, дара жолын айқындап келеді. Жетістікке қол созу, табысқа ие болуда қайсар мінез бен табандылықтың орны ерекше. Кемел білімімен болашаққа қадам басқан  дарынды жас Алмаздың  бойынан осындай мінезді көре аламыз. Ажибек Алмаз 2010 жылы 24 наурызда Жамбыл облысы, Сарысу ауданы, Жаңатас қаласында дүниеге келді. Ата-анасынан алған өнегелі тәрбиесін «Айгүл» балабақшасында дамытты. Қоршаған орта мен танымдық қабілетін жетілдіре отырып,  Ш.Уәлиханов атындағы мектеп-гимназия табалдырығын аттайды.  Бүгінгі таңда дарабоз ұлан – 4 «Б» сыныбының белсенді оқушысы. Ұстаз талантты болса, шәкірті талапты болады. Себебі,  ұстаз   жас буынның  білімге деген талап, ынта, құштарлық отын лаулатады. Ата-ана-бала-ұстаз арасындағы нәзік байланыс мағыналы, мәнді болса, болашаққа талаптанған жас өреннің де қадамы құтты болары сөзсіз. Бұл тұрғыдан келгенде, бала шәкірт Алмаздың  оқушылық жолы   даңғыл болды деп айта аламыз. Алғашқы   сапалы білімге деген құштарлығы оны өз қаласында орын тепкен Менталды арифметика  курсына алып келді. Осы курстың деңгейлік тапсырмаларын сәтті аяқтап, жемісті жетістікке  де қол созды.   Мектепішілік сайыстар мен зияткерлік байқауларда  ерекшеленген дарынды оқушы қалалық, облыстық, республикалық деңгейлерде де білім мен ғылымның өшпес жарық екенін дәлелдеп келеді. Ақпейілді асыл әжесі Иманбекова Жібек пен аяулы анасы Ажибекова Құндыз – Алмаздың ең асыл қазыналары. Отбасы мүшелері – зерек ұл үшін   ең құнды байлық. 
      Жетістігі: «Менталды арифметика» курсының емтиханын сәтті тапсырғаны және І-ІІ деңгейін бітіргені туралы Сертификат, Жамбыл облысы, Тараз қаласында өткен менталды арифметикадан «Оңтүстік Жазғы Олимпиада – 2019» чемпионы атанып, арнайы Диплом, медальмен марапатталды. Бүкілресейлік «Время знаний» конкурсының «Математика 3-класс» жобасының ІІ дәрежелі Диплом, Халықаралық «Солнечный свет»  интернет-олимпиадасында «Русский язык 3-класс «Падежи» және ағылшын тілі, информатика   пәндері бойынша І дәрежелі Дипломдар жеңімпазы. Халықаралық олимпиадада «Мир вокруг нас» номинациясында І дәрежелі Диплом және «Математика – гимнастика ума» номинациясында Лауреат атанды. Intolimp.Kz оқу-әдістемелік орталығының қолдауымен ұйымдастырылған жалпы республикалық байқауға қатысып, «Қош келдің, наурыз» атты шығармашылық байқауда даралығымен, ерекше өнерімен «Үздік» деп танылып, І дәрежелі Дипломмен марапатталды. 2019 жылы менталды арифметика бойынша өткен Халықаралық олимпиадаға қатысып, ең үздік жүлдені «SUPER CHAMPION» атағын жеңіп алды.
      Сүйікті ісі: Кітап оқығанды жақсы көреді. Бүгінгі күні  ұлы ақын Абайдың өлеңдері мен қара сөздері, М.Әуезовтің «Абай жолы» роман-эпопеясын оқып, кемеңгерлік жолымен танысу үстінде.
      Арманы: Ақпаратты технологияның қарқынды дамуына байланысты заманауи ІТ маманы болу. Математика пәніне деген қызығушылығы атақты математик болуға бағыттайды.