«Жақсылыққа жақын бол!» деген ұстанымдағы талапшыл, ізденімпаз өрен Олжатай Арнұр  Жамбыл облысы, Жаңатас қаласында 2010 жылы 22 қаңтарда дүниеге келді. Үлгілі отбасының сүйікті перзенті ата-ананың ұлағатты тәрбиесімен, мейірім-шуағымен өсіп келеді. Тәлімнің қайнар бұлағынан қанып ішкен Арнұрдың асқар тау әкесі Ондыбаев Мұхтар – «Қайнар» ЖШС-нің тіс дәрігері қызметінде. Көңілі көркем, жаны жаз аяулы анасы Ондыбаева Анар – жеке кәсіпкер. Алдындағы арқа сүйер ағасы Олжатай Қайсар – ҚазМУ-дің ІІ курс студенті болса, ағалары Қайнар мен Сабыр – Отан қорғау қызметінде. Жанашыр әпкесі Гүлнұр – жоғары білім алуда. Өзінен кейінгі сүйкімді қарындасы Бибінұр – 2-сынып оқушысы. Ақ үміті мен сенімін арқалаған баланың  білім алуына қажетті барлық жағдайды жасаған ата-анасы перзенттерінің зерек те алғыр, ақылды болып қалыптасуына күш салуда. «Білгенге маржан, білмеске арзан» деген ұстанымдағы талапшыл, елгезек, алғыр Арнұр Мұхтарұлы Ш.Уәлиханов атындағы мектеп-гимназиясының табалдырығын аттап, білім әлеміне енді. Қазіргі кезде «Үйренгенімнен үйренерім көп» деген пікірдегі өрен аталмыш мектептің 4-сыныбында оқып жүр. Ақылды, зейінді бала әкесінің көмегімен математикалық есептерді шешуді жылдам үйреніп алды. Бір сөзді, ақкөңіл балақай – сынып белсендісі, достарына көмек беруге әрдайым дайын тұрады. Руханиятқа жақын талапшыл ұл әдебиет әлеміне еніп, өз жанынан өлең де шығарады. Жан-жақты болып өсіп келе жатқан ұланның келешегі кемел болары анық. Алдына биік мақсаттар қойып, алғыр Арнұр биіктерден көрінгісі келеді.
      Жетістігі: www. nio.kz Республикалық Ұлттық Интернет Олимпиада сайты Математика пәнінен ұйымдастырған онлайн олимпиаданың жүлдегері, Диплом иегері. www. nio.kz Республикалық Ұлттық Интернет Олимпиада сайты Ағылшын тілі пәнінен ұйымдастырған онлайн олимпиаданың жеңімпазы, ІІ дәрежелі Диплом иегері, Бастауыш сынып Қазақ тілі пәнінен ұйымдастырылған олимпиаданың жеңімпазы атанып, мерейі үстем болды. «Мен – талантты баламын» сайысына белсене қатысқаны үшін «Ізденімпаздар» тобында Мадақтамамен марапатталды. «БЕЙБІТШІЛІК ӘЛЕМІ» Халықаралық Қазақ Творчестволық Бірлестігі «Мәңгілік ел – Қазақстаным» ғылыми-практикалық конференциясының ІІ дәрежелі Дипломын иемденген. Республикалық олимпиаданың І турынан ІІ орынмен Мадақтама иегері атанды.  Оның шығар биігі алда екені анық. Талабыңа нұр жаусын, жас талап!
      Сүйікті ісі:  Математикадан шытырман есептердің жауабын іздеу, футбол ойнау, анасына көмектесу, музыка тыңдау, жыр жаттау және жазу.
      Арманы: Еліміздің мақтан тұтар тұлғаларының бірі, білікті экономист болу.