«Аз сөйлер де, көп тыңдар хас асылдың баласы» деген ұстанымдағы ұстамды, тәрбиелі, бір сөзді ұлан. 2012 жылы 15 қаңтарда Атырау облысы, Атырау қаласында жылуы мол отбасында дүниеге келді. Болмысы биік, уәдеге берік ардақты әкесі Нугманов Альберт Ардақұлы мен шарапаты мен шуағы мол анасы Қанатқызы Перизат – бала тәрбиесін басты орынға қойған жандардың қатарында. Өнегелі отбасының тұңғышы Абылайхан бауырмал, сабырлы, тындырымды болып өсіп келеді. Ізінен ерген інісі Абылхаир мен қарындасы Раянаға қамқорлық көрсетіп, үлкенге ізет көрсетуді де ұмытпайды. Бір айтқанды қағып алатын алғыр ұлан Абылайхан Атырау қаласындағы балабақшада тәрбиеленіп, әдеп әліппесін үйренді. Жаңа ортаны жатсынбай қабылдап, оң мен солын танып, Зарья есімді тәрбиеші апайынан көп нәрсені үйренді. «Өнер-білім бәрі де, Оқуменен табылған» дегенді бетке алып, талапшыл, ынталы Абылайхан алдымен қаладағы №37 орта мектептің даярлық сыныбына барып, Шынар апайымен бірге білім әліппесінің есігін ашты. Бүгінде білімпаз шәкірт №38 мектеп-лицейінің 2 «Ә» сыныбында оқып, білім баспалдағымен жоғары өрлеуде. Сынып жетекшісі, білікті маман Күләш Жумадилқызына шәкірттік алғысын жеткізеді. Көңіліне алған ойын жүзеге асырғанша тыным таппайтын еңбекқор, ізденімпаз, тек алға ұмтылуды ғана көздейтін өрелі өрен актерлік шеберлік курсына барып, белгілі актер, танымал тұлға  Марат Сарсенбаевтан сабақ алып, «Мереке» деген кысқа метражды киноға түсіп, өз өнерін көрсетті. Қазақтың қара домбырасын қолға алып, шеберлігін шыңдауда. Қоғамдық іс-шараларда сынып көшін алға сүйреп жүрген бесаспап шәкірт, өнерімен таныла бастаған жас дарын  Альбертұлы   Абылайхан – болашағынан көп үміт күттіретін алтын ұл.
      Жетістігі: 2018 жылы «Математикалық регата» бойынша Республикалық олимпиаданың Дипломын иемденген. 2019 жылы «BATYR» жүзу спорты клубының «Құрметті Дипломы» иегері. «E-edu.kz» Инновациялық білім беру «Полиглотик» орталығы ұйымдастырған конкурстың ІІІ орын жүлдегері, Диплом иегері. 2019 жылы білімсүйгіш шәкірт VІ Халықаралық математикалық білім бәйгесі бойынша Сертификат иемденген.
      Сүйікті ісі: Актерлік шеберлігін шыңдау, музыка тыңдау, жүзу спортымен шұғылдану, білімін жетілдіру. 
      Арманы: Мектепті ойдағыдай аяқтап, жоғары оқу орнын бітіріп, Ұлы Қазақ Елінің өркендеуі мен дамуына өз үлесін қосатын білікті маман, атақты актер болу.