Асқаров Али Абзалұлы 2008 жылдың 6 қаңтарында Алматы қаласында дүниеге келді. №74 балабақшасында тәрбиеленіп, өнегелі тәлімнің үлгісін бойына сіңіріп өсті. Алидің кеудесі қазынаға толы ата-әжесі Мәуленов Асқар мен Мәуленова Аиданың ақыл-кеңестерін құлағына құйып, көңілдерін қуанышқа бөлеп келеді. Мейірбан анасы Асқарова Шолпан – банк  жүйесі қызметкері. Оқушылар сарайында «Роботехника» секциясына қатысып, Халықаралық компьютерлік академиясында білім алып және арнайы мектептерінде білімін шыңдап жүрген Алидің келешегі кемел, болашағы жарқын болмақ.Алғашқыда Ш.Смаханұлы атындағы №62 мектеп-гимназиясында білім алған Али – бүгінде Сұлтан-Ақмет Қожықов атындағы №39 мамандандырылған мектеп-лицейінің үздік оқушыларының бірі, сынып белсендісі. «Болашақта IT-технология саласында «Ақпарат технологиялар бағдарламашысы» кәсібі бойынша білікті маман және кәсіпкер боламын» деп армандайтын дарынды Али ұстазы Құрақ Мейрамбектен математика пәнінің қыр-сырын меңгеруде. Күндіз-түні қолынан кітабы түспей, білім жастығын ерте жастанған алғыр, зерек, қабілетті Али көптеген марапаттардың иегері.
      Өнерлі оқушы Алидің жетістігі: 2014 - 2018 жж. қосымша Халықаралық ISMA-International School of Mental Arithmetic менталды арифметика мектебінде тәлім алып, 10 деңгейлік білім беру сатыларын түгел аяқтап, Сертификат алып шықты.                                                                                      

• Республикалық олимпиадаларда 2015 жылы І орын, 2016 жылы ІІ орын;
• Халықаралық  олимпиадаларда 2017, 2018 жылдары Алматы қаласында Чемпион атанып, Гран-при, Банкгок қаласында ІІІ орын иегері
• 2018 жылы Дубай қаласы Біріккен Араб Эмиратында Гран-при иегері.  

Оқу пәндері олимпиадалары бойынша:

• 2016 жылы Республикалық «Нұрлы болашақ» сайысында дүниетану пәнінен І орын, қазақ тілі пәнінен ІІ орын, математика пәнінен ІІІ орын;
• Математика пәнінен Халықаралық Fibonacci олимпиадасынан ІІ орын;
• Дүниетану пәнінен Республикалық интернет олимпиадасынан Диплом;
• ІІІ Халықаралық «LUX ALTAIS» олимпиадасында І дәрежелі Диплом,
• Халықаралық «Шексіз матаматика» олимпиадасынан ІІ орын иемденді.

• 2017 жылы Мәскеу қаласындағы «Первый канал» телевизиялық ұжымының шақыруымен талантты балаларға арналған «Лучше всех» бағдарламасының қатысушысы;
• Телевизиялық «Балдырған әуен» байқауында Диплом; 
• 2018 жылы І Республикалық «Өнерпаз болсаң» байқауынан Диплом;
• Халықаралық «Дарынды бала» сайысында ІІ дәрежелі Диплом алды.

• 2015-2016 жылдары Киокушинкай каратэ Ассоциациясында жаттығып, Сертификат және 10 КЮ, 9 КЮ дәрежесінің иегері. 
• 2018 жылы шахматтан қалалық біліктілік жарысынан ІІ орын;
• Гимнастикадан өткен жарыстан 10 балдық көрсеткіштен 9 балл алып, мерейі үстем болды.