Ақылды бала қашан да ата-ананың мерейін тасытады. Менталды арифметиканың тілін түсініп, түрлі деңгейдегі жарыстарда алдына қара түсірмей оза шауып жүрген Аружан Ержанқызы 2005 жылдың 29 шілдесінде Атырау қаласында дүниеге келді. №16 балабақшада тәрбиеленіп, тәлім алған қыз – бүгінде №38 мектеп-лицейінің 9-сынып оқушысы. Аружан – қатарының алды, білімпаз, озат шәкірт. Кітап оқып, білім-біліктілігін көтерумен қатар, рухани жандүниесін байытып отырады. Оқуда үлгерімі жақсы, үйге берілген тапсырманы толық, жүйелі түрде орындап, қоғамдық жұмыстарға белсене араласатын, өзіндік айтар ойы мен пікірі қалыптасқан зейіні мол шәкірт. Үнемі ақыл-кеңесін беріп, бағыт сілтеп отыратын ата-әжелерінің, ата-анасының арқасында талай үлгісі мол тағылымды әңгімелер естіп, қолөнер бұйымдарын жасауды үйренді. Отбасының үлкені болғандықтан ізінен ерген екі інісінің алдында Аружанның әпке ретінде жауапкершілігі жоғары. Сабақтан тыс үй шаруасына көмектесіп, анасының қолғанаты болумен қатар бауырларына қамқорлық танытып келеді.
      Өзіне жүктелген тапсырмаға үлкен жауапкершілікпен қарап, асқан ыждағаттылықпен, ұқыпты әрі тиянақты орындайтын Аружанның алдына қойған мақсаты биік, арманы асқақ. Қолында барын жолдасымен бөлісетін жаны жомарт оқушы, үлкен биіктерден көріну үшін үнемі ізденіс үстінде жүреді. Тұғырлы мемлекеттің туын тіктеп, тек биіктен желбіретер ұрпағы барда, Қазақ Елінің абыройы асқақ, болашағы бекем. Ары мен намысын бойында сақтап, ел дамуына өлшеусіз үлес қоса алатын өреннің ата-анасы мен ұстаздары Аружанның болашағына үлкен сеніммен қарайды.
      Жетістігі: Менталды арифметикадан қалалык олимпиаданын екі мәрте І орын жүлдегері. Менталды арифметикадан Республикалык олимпиаданың екі мәрте І орын алған жүлдегер. Менталды арифметикадан Республикалык олимпиададан ІІІ орын жүлдегері. Түркістан, Ресей, Болгария, Өзбекстан, ОАЭ, Қазақстан бойынша менталды арифметикадан Халықаралық олимпиаданың І орын жеңімпазы.
      Сүйікті ісі: Кітап оқу, анасына көмектесу, білімін жетілдіру.
      Арманы: Жоғары білім алу.