«Елім үшін бар білімім мен дарынды жұмсаймын» деген мақсат қойған Социал Бақытжан Қалмурзаұлы  2003 жылы 27 маусымда Маңғыстау облысы, Қарақия ауданы, Жетібай ауылында  өнегелі отбасында дүниеге келді. Сүйкімді балақай «Ғарышкер» балабақшасына барып, әдеп әліппесін үйренді. «Білім – жан азығы» деген ұстанымдағы 2009 жылы  Жетібай ауылының №4 орта мектебінің табалдырығын аттап, шәкірт аттады.  Бақытжан Қалмурзаұлы алтын ұя мектебінде алғашқы қоңырау соғу құрметіне ие болған үздік оқушы, сынып белсендісі, мектеп мақтанышы. Мектебінің озық ойлы шәкірті, көптеген зияткерлік сайыстар мен білім бәйгелерінің, пән олимпиадаларының, спорттық сайыстарының жеңімпазы. Асқар тау әкесі Куттыбаев Калмурза Социалұлы жылуы мен шуағы мол анасы Суюнова Тазагуль Увиньянқызының тәлімді тәрбиесімен ер жетуде.  Ізінен ерген сүйкімді інісі Мейіржанға жақсы үлгі көрсетер жанашыр ағасы. Сынып көшбасшысы, жаңашыл шәкірт, заманауи жас жетістіктерімен алғы күнге қарай қадам басуда. Бос уақытында ақыл-ой спорты шахматпен шұғылданып, білімін жетілдіреді. Ө. Қалманбетұлы атындағы Жетібай өнер мектебінің дәстүрлі  ән мамандығы бойынша үздік түлегі.
      Жетістігі: 9-сыныпты «Үздік аттестатпен» бітірген білімпаз, үздік шәкірт, мектеп мақтанышы. 2012 жылы бастауыш сыныптар онкүндігінде «Тәуелсіз елдің ұрпағымыз» атты шығармалар сайысында I орын үшін Мадақтама иегері, 2015 жылы қазақ тілі пәні бойынша 1-11 сыныптар аралығындағы Республикалық қашықтық олимпиадасының   жүлдегері, І орын иегері. 2017 жылы «Русский медвежонок – языкознание для всех» Халықаралық зияткерлік сайысында II орын және Сертификат иегері, 2018-2019 жылдары Жалпы білім беретін пәндер бойынша Республикалық олимпиаданың бірінші кезеңінен Қазақстан тарихы пәні бойынша I орын алғаны үшін Дипломмен марапатталған. Әбіш Кекілбаевтың шығармаларын орындаушылар конкурсында «Үздік оқырман» номинациясы бойынша аудандық кезеңде І орын, осы номинация бойынша облыстық кезеңде жүлделі  Ш орын алған Диплом иегері. 2019 жылы аудандық «Ақберен – 2019» байқауында шешендік өнер бағыты бойынша II орын жүлдегері. Социал Бақытжан – білім   басқармасы мен Маңғыстау телеарнасының бірлескен жобасы «Зерде» зияткерлік телесайысының 2018 жылғы апталық, айлық ойындарының жеңімпазы. Шахматтан «Ақбозат» турнирінің аудандық, облыстық дәрежедегі сайыстарының жеңімпазы.  Жан-жақты дамып келе жатқан қабілетті шәкірт Бақытжан Қалмурзаұлы 2018 жылы балалар және жасөспірімдер арасында шахматтан Маңғыстау облысының чемпионатында жүлделі Ш орынды және жолдаманы жеңіп алып, 2019 жылы Павлодар қаласында өткен Қазақстан чемпионатына қатысып, І разрядты орындаған шахматшы. Шахматтан Маңғыстау облысының 2020 жылғы чемпионы атанып, Алматы қаласында өтетін чемпионатқа жолдама алды. Алматы қаласында өткен Қазақстан Республикасының шахмат турниріне қатысты. Ақтау қаласында өткен онлайн шахмат турнирінің І орын жүлдегері атанды. Бақытжан Қалмурзаұлы – биылғы мектеп түлегі, Жалпы орта білім туралы аттестат – «Алтын белгі иегері». Жеңісің құтты болсын, биіктей бер, жас түлек!
      Сүйікті ісі: Кітап оқу, шахмат ойнау, таным көкжиегін кеңейту, музыка тыңдау.
      Арманы:  Жоғары білім алу, білікті маман, атақты сәулетші атанып, Ұлы Қазақ Еліне қалтқысыз қызмет етіп, елдің мақтанышына айналу. 



 
      «Өзіңе сен, өзіңді алып шығар, Еңбегің мен ақылың екі жақтап» деген ұстанымдағы
ер мінезді, сергек, ойшыл ұлан Социал Мейіржан Қалмурзаұлы 2006 жылы 10 тамызда Маңғыстау облысы, Қарақия ауданы, Жетібай ауылында өмір есігін ашты. Адамгершілік қасиетті алғашқы орынға қоятын дара тұлғалы әкесі Куттыбаев Калмурза Социалұлы мен ажарына ақылы сай анасы Суюнова Тазагуль Увиньянқызы – бала бақыты үшін бәріне дайын жандардың қатарында. Социал Мейіржан – көпшіл, жігерлі, ізденімпаз болып өсіп келе жатқан болашақ  жігіт сұлтаны, отбасының үкілеген үміті. Алдында үлгі тұтар, қамқор болар ағасы Бақытжан бар. «Мақсаты биіктеген сайын адам да рухани толыса береді» дегенді басшылыққа алған, алдына үлкен мақсат қойып, бар күш-жігерін сол мақсатқа жетуге жұмсайтын өрелі өрен қазіргі беделді білім ордасы «Жетібай ауылының №4 орта мектебі» КММ-нің 8-сыныбында білім алуда. Білім мен спорт саласын өзін жетілдіру жолында бойына біріктіріп жүрген ынталы, талапты, жігерлі Мейіржан – халықаралық, республикалық, облыстық деңгейдегі байқауларға қатысып, жоғары деңгейде жетістікке жетіп жүрген жауапкершілігі мол  белсенді шәкірт. Руханиятқа жақын өнерлі жас Мейіржан – Ө. Қалманбетұлы атындағы Жетібай өнер мектебінің дәстүрлі  ән мамандығы бойынша оқып жүрген талантты, үздік түлектердің қатарында. «Гүлдерайым» ансамблінің құрамында өнер көрсетіп, көптеген биіктерді бағындырды.
       Жетістігі: Мейіржан Қалмурзаұлы – 1-сыныптан бастап Мақтау қағаздарымен марапатталып келе жатқан оқу үздігі, мектеп мақтанышы. 2015 жылы Орыс тілі пәні бойынша 2-11 сыныптар аралығындағы  Республикалық дистанциялық олимпиадаға қатысқаны үшін  Дипломмен марапатталып,  Қазақ тілі пәні бойынша 1-11 сыныптар аралығындағы Республикалық дистанциялық олимпиаданың ІІ орын жүлдегері атанды. Математика пәні бойынша 1-11 сыныптар аралығындағы Республикалық дистанциялық олимпиядаға белсене қатысқаны үшін Диплом иегері атанды. 2018-2019 оқу жылы жаратылыстану-математикалық бағыты бойынша өткен 7-8 сынып оқушылары арасында олимпиадада  Математика пәнінен жүлделі ІІІ орынды иемденді. Кеше ғана өткен Республикалық жасөспірімдердің «Тарих ата» қашықтық олимпиадасының ІІ орын жүлдегері. 
      Сүйікті ісі: Домбырамен ән айту, спортпен шұғылдану, футбол ойнау, ғаламтор беттерінен қажетті ақпараттарды зерделеу.
      Арманы:  Білікті маман, өз ісінің майталман шебері, абыройлы азамат атану.