«Білгенге – маржан, білмеске – арзан» деген ұстанымдағы қабілетті өрен. Бүгінде ұстаздары мен ата-анасының мақтанышы, үкілеген үмітіне айналған Сансызбай Олжас Ерболатұлы Атырау облысы Еркінқала ауданында ынтымағы мен бірлігі жарасқан жарасымды жанұяда 2005 жылы қаңтар айының 30 жұлдызында өмір есігін ашты. «Дұрыс қанаттанған түзу ұшар» деген сөз – перзент   тәрбиелеп отырған әрбір ата-ананың бала тәрбиесіндегі басты ұстанымы. Олжастың  ардақты ата-анасы өскелең ұрпақ тәрбиесін басты орынға қойғандардың қатарында. Даналығы мен даралығы, тәрбиесі мен өнегесі сөзінде көмкерілген  әкесі Ерболат пен шапағаты мол мейірбан анасы – жеке кәсіпкерлер.  Тумысынан руханияттың алтын қазынасынан тағылым алып келе жатқан  Олжастың  ізінен ерген інісі Шыңғыс ағасын үлгі тұтатын мектеп оқушысы.  Білім әлемінің есігін ашып,  зерделі Олжас Еркінқаладағы беделді білім ордасы IT мектеп-лицейінің табалдырығын аттап, шәкірт аттанды. Ертеңгіліктер мен мерекелік іс-шараларда белсенділік танытып, берілген тапсырмаларды жауапкершілікпен орындайтын ізденімпаз шәкірт қазіргі таңда 9-сыныпта білім көкжиегін бағындыруда. Қол жеткізген марапаттары жыл сайын жаңарып отыр. Салауатты өмір салтын ұстанатын жігерлі шәкірт муай-тай, кикбоксинг спорт түрлерімен айналысып, футбол ойнап, жүзу спортымен шұғылданады. Өнерге біртабан жақын Олжас би өнерін де меңгеруде. Алғыр, жаңашыл, заманауи шәкірттің Робототехника саласына қызығушылығы басым. Олжастың шығар биігі әлі алда.     
      Жетістігі: Сансызбай Олжас – көптеген білім бәйгелерінің, сайыстар мен пән олимпиадаларының жүлдегері, IT мектеп-лицейінің призиденті. «BRITISH BULLDOG» Халықаралық зияткерлік конкурсының Сертификаты мен ІІІ орын иегері.   «KazRobotics – 2019»  жобасы бойынша жүлделі  ІІІ орынды иемденген. Сонымен қатар сынып белсендісі Олжатай Ерболатұлы – «Юниор» зияткерлік  олимпиадасының ІІІ орын иегері.
     Сүйікті ісі: Шығармашылықпен айналысу, футбол ойнау, музыка тыңдау, әр-түрлі пазл құрастыру, би билеу, робототехниканың жаңалықтарын зерделеу.
      Арманы: Білімін жетілдіріп, бизнес әлемін бағындырып, ұшаққа мініп түрлі елдерге саяхат жасау. Қайырымдылық шараларына қатысып, көпшіліктің алғысын алу.