Өсімқұл Темірлан – талабы таудай, өнері айдын көлдей мөлдір, талантты жас.  «Мәртебең биік болса, алыстан көреді. Жақының да, жатың да иіліп сәлем береді» дейді халық даналығы. Жас болса да абыройы асқақ,  мәртебесі биік. Өнер әлемінде киелі сахнаның құдіретін сезініп, биікке өрлеп келеді. «Адам бойындағы өнер атаулы – төзім мен уақыт қосындысынан жеңіске ие болады» деген ұлы тұлға О.Бальзактың қанатты сөзінен қуат алатын жас дарын Санатұлы Темірлан 2007 жылы 11 ақпанда  асқаралы Алатау бөктері, Алматы қаласы төсінде  дүние есігін ашады. №166 «Арман» балабақшасынан қанаттанып ұшқан бала қыран Б.Атыханұлы атындағы №36 мектеп  қабырғасының табалдырығын аттайды. Бүгінгі күні Ж.Жабаев атындағы №161 мектеп-лицейінің ән айдынында еркін жүзген талантты шәкірт. Мектеп мақтанышы. Отбасында жас дарынның марапаттары мен табысты жолдарына сәттілік тілеп, ақ батасын арнап отырған атасы мен әжесі, әкесі мен анасы, асқар тау ағасы бар. Өсімқұл Темірлан физика-математика бағытындағы мектеп-лицейінде білім алып отырса да,  оның өнерге деген қызығушылығы ерекше. Қазіргі таңда М.Төлебаев атындағы №5 музыкалық мектебінің фортепиано-домбыра сыныбына барып,  музыка жанрының құпия-сырын игеріп жүр. Талантты жастың өмір жолын өз жазбасынан оқығанды жөн санадық: «Мен бала кезімнен өнерге ынтық болдым. Талай жұлдызды додаларда топ жарып, алдыңғы орындарды иеленіп келемін. Соңғы жылдары, яғни 2019 жылы Киев қаласында өткен VІІ Халықаралық «Европа Молода» байқауының екі номинация  бойынша І орын иегері, «Менде жұлдыз боламын» байқауының Гран-Приін жеңіп алып, Грузия елінде болатын «Golden Argo» байқауына жолдама жеңіп, ол байқауда  Гран-При иегері атандым. Әлемдік талантты әнші Димаш Құдайбергеновтің ұйымдастыруымен өтетін «Бақытты бала» байқауына өтініш тастап, 500 баланың ішінен іріктеліп, жиырмалыққа кірдім. Осы байқаудың нәтижесінде «Voice of Astana – 2019» фестивальіне жолдама алдым. Болашақта қазақ өнерін, музыкасын әлемдік деңгейге көтеретін кәсіби әнші болғым келеді. Өнер – киелі ұғым. Қазақ ән өнерінің көгілдір аспанында жарқыраған жұлдыз боламын. Сол жолда аянбай тер төгіп келемін».   
      Жетістігі: «Ғұмырдария», «Нұрлы жастар» байқауының Бас Жүлде иегері; «Бозторғай» Халықаралық байқауы,  «Тайжарыс» радио байқауының І орын  жеңімпазы; «Қазақстанның үміт артарлары» кітабының кейіпкері; 2017 жылы Майра Ілиясова жобасы «Жұлдыз болғың келсе» байқауының Бас Жүлде иегері; Қостанай қаласында өткен «Алтын микрофон» Халықаралық байқауының ІІ орын  марапаты; «Қош келдің, әз-Наурыз» байқауының Бас Жүлде иегері; Республикалық «Жаз мереке » байқауының Бас Жүлде иегері, «Голос года ART 2018» байқауының Бас Жүлде иегері; Халықаралық «Бала даусы» байқауының ІІ дәрежелі   Диплом лауреаты; 2019 жылы Киев қаласында өткен  VІІ Халықаралық «Европа Молода» байқауының екі номинация  бойынша І дәрежелі жеңімпазы; «Менде жұлдыз боламын» байқауының Гран-При иегері; Грузия елінде өткен  «Golden Argo» байқауының Гран-При иегері; «Менің Қазақстаным» атты Шәмші Қалдаяқовтың әндерін орындау ән байқауында ІІ орын жүлдегері; «Ақ көгершін» байқауының ІІІ орын иегері. Әлемдік әнші Димаш Құдайбергеновтың ұйымдастырылуымен өтетін «Бақытты бала» байқауына өтініш тастап, 500 баланың ішінен іріктеліп, жиырмалыққа кірген. Осы байқаудың «Voice of Astana – 2019» фестиваліне жолдама алып, жоғары биіктікті бағындырған.  
      Сүйікті ісі:  Достарымен футбол ойнайды. Спортпен айналысады.
      Арманы:  Таланты кәсіби әнші атану.