Ізденісі мен қызығушылығы мол талапты өрен Құттыбек Қыдырәлі Нұрдаулетұлы шұғыласы атырапқа жайылып, адамзатқа құтты қоныс, киелі мекен болған Сарыарқа жерінде өмірге келген. Отбасының саялы бәйтерегіне айналған қадірменді атасы Тойшиев Құттыбек Тұрапбайұлы – бугалтер қызметінде. Ақ жаулықты, күміс самайлы мейірбан әжесі Тойшиева Маржан – балалары мен немерелерінің тілекшісі болып жүрген ғазиз Ана.  Көненің көзі саналатын, жастық шақтары бізге бұрынғы тарих секілді көрінетін ата-әженің тәрбиесін алған жастың осал болуы әсте мүмкін емес. Жанұясында еңбекті өзіне серік еткен, ұлдары мақтан тұтатын қамқор әкесі  Тойшиев Нұрдаулет Құттыбекұлы – жүргізуші. Отбасын жылылыққа бөлеп отырған анасы  Жұмағұл Ақбота Әбдіраззаққызы – перзенттерінің заман ағымына сай білім алғанын қалайтын жанашыр ана. Отбасының тұңғыш перзенті Қыдырәлі – бауырмал, ұғымтал, ұлтжанды болып өсіп келеді. Ізінен ерген Зере, Арафат, Ясин, Едіге – сүйкімді бауырлары.  Елордадағы №11 «Гаухар» шағын-орталығынан тәлімді тәрбие алып, оң мен солын таниды. Ізденуден, оқудан талмайтын шағында №2 Ғафу Қайырбеков атындағы мектеп-гимназиясына оқуға қабылданып, қазіргі кезде 2 «А» сыныбында оқып жүр. Оқуға ынтасы зор білімпаз өрен – мектептегі белсенді оқушылардың бірі. Сынып жетекшісі,  ұстазы Баймакашова Барчиной Махмудалиқызына шәкіртінің айтар алғысы шексіз. Тотами төрінде жасындай жарқылдайтын сабаз –   спорт саласында бағын сынаудан беті қайтпайтын жеткіншек. Бабы мен бағы қатар шауып ел мерейін үстем етіп, жүрген талантты спортшы Қыдырәлі Нұрдаулетұлының арманы – жеңіс шыңы Олимпиада төрінде тәуелсіз Қазақ елінің көк байрағын желбірету.
      Жетістігі: Қыдырәлі Нұрдаулетұлы –  1-сыныпты үздік оқығаны үшін Мақтау қағазымен марапатталған озат оқушы. www.nio.kz Республикалық Дәстүрлі Интернет Олимпиада сайты Математика пәнінен ұйымдастырылған қашықтық олимпиадасының жүлдегері, ІІІ дәрежелі Диплом иегері. «Ақ бота» интеллектуалдық марафоны мен Халықаралық ПОНИ сайысының Сертификат иегері. Дзюдо күресінен 2007-2012 ж.т. жасөспірімдер арасындағы Нұр-Сұлтан қаласының Аула клубтары арасындағы Ашық біріншілігінде +23 кг салмақ дәрежесінде жүлделі ІІІ орынмен Диплом иемденді. 2009-2012 ж.т. жасөспірімдер арасындағы «Балаларды қорғау» күніне арналған дзюдодан  ФСК «Бастау» жүлдесі үшін клубтық турнирде ІІ орын алып, Диплом иегері атанды. Сондай-ақ 2011-2012 ж.т. жасөспірімдер арасындағы турнирде +27 кг салмақ дәрежесінде жүлделі ІІІ орынмен Диплом иемденді. «Polymetal» кубогы үшін «Батыр боламын» деген атпен өткізілген турнирдің ІІІ орын жүлдегері. 2020 жылы ақпан айында Қазақстан Дзюдо Федерациясы ұйымдастырған ІІІ Халықаралық 2011-2012 ж.т. жасөспірімдер арасындағы турниде І орын алған жеңімпаз.
      Сүйікті ісі: Кітап оқу, спортпен шұғылдану, білімін дамыту.
      Арманы: Дзюдо күресінен Әлем және Олимпиада чемпионы атану.