Елжанды, еңбекқор, білімпаз, көзінде оты, бойында жалын бар, білім мен тәрбиенің асыл қазыналарымен жетілген Қанжарбеков Ақылжан 200 жылдық  тағылымды тарихы бар толық отбасында 2009 жылы 10 қарашада дүниеге келді. Кемел ақылды аталары – Әжібеков Қанжарбек, Тұрмағанбетов Әмірхан  мен жаны жайсаң, көңілі дархан, мейірбан әжелері – Алимбекова Закура, Тұрмағанбетова Райханның қолғанаты мен көзқуанышы.  Мейіріміне бөлеп жүрген асылзат анасы Тұрмағанбетова Ақмарал  – Ақылжанның кеңесшісі. Әпкесі Жанна мен қарындасы Мадина барлық бастамаларына қолдау білдіріп келеді. 
Таным бастамасына алғашқы қадам жасағанда, «Ботақан» балабақшасына барды. Білуге, білімге құмар Ақылжан Бақытжанұлы қазіргі таңда Әли Мүсілімұлы атындағы №101 мектеп-лицейдің 4 «Е» сыныбында білім алуда. Сабақтан қолы қалт етсе, кітаптан бас алмайды. Жасыл алаңда доп тебуден де құр алақан емес, спортқа да жақын.
       Жетістігі: 2018 жылы 2-сыныптар арасында өткізілген «Білгірлер» сайысының Мадақтамасы мен 2-3 сыныптарды жақсы оқығаны үшін Мақтау қағазының иегері. «Ақ бота» интеллектуалдық марафонының қатысушысы Сертификатын 2 жыл қатарынан иемденген. «Smartum-олимпиада» ментальная арифметикадан ІV деңгей – АНЗАН олимпиадасының ІІІ орын жүлдегері. Бастауыш сынып оқушыларына арналған олимпиададан ІІ дәрежелі Диплом иемденді. 2018-2019 оқу жылы Бастауыш сынып оқушылары арасында өткен математика олимпиадасындағы үздік білімі үшін марапатталды. 2020 жылы «ККО.KZ» Веб сайтымен ұйымдастырылған Математика пәні олимпиадасының  І дәрежелі Дипломның иегері атанып, мерейі үстем болды. 
      Сүйікті ісі: Шытырман есептердің жауабын іздеу, білімін жетілдіру.
      Арманы:Болашақта ғылым саласына өз үлесін қосу, білікті маман болу.