Тәрбиелі, талантты «Оқып көру жеткіліксіз, үздіксіз ойлану да керек» деген ұстанымдағы Анель – Жамбыл  облысы, Тараз қаласында 2006 жылы 16 қыркүйекте ынтымағы мен бірлігі жарасқан отбасында дүниеге келген тұңғыш перзент, ата-анасының үкілеген үміті.   Жылуы мол отбасында  7 адам бар. Ардақты әкесі Айтбозымов Алмас – «ТаразТрансЭнерго» МКМ-нің басқарма директоры қызметіндегі абыройлы азамат.  Аяулы анасы  Байжомарт Сандуғаш – М.Мақатаев атындағы №14 мектептің информатика пәнінің мұғалімі, білікті маман. Бауырмал, көпшіл Анельдің өзінен кейін Адель, Назерке, Кәусар, Айкөркем есімді бауырлары бар. Пайымы терең  ұлағатты жандардың жалғасы Анель қазіргі таңда Төле би атындағы №8 мектеп-гимназияның 7 «Д» сыныбында оқып жүр. Үлкенді сыйлап, кішіге қамқор болып жүретін Анель – сынып жетекшісі Орынбекова Назираның мақтанышы, үлгілі шәкірт, келешегі кемел өрелі өрен.
      Жетістігі: Жумабек Анель – 1-6 сыныптар аралығында «өте жақсы» оқығаны үшін Мақтау қағаздарымен марапатталған үздік оқушы, мектеп мақтанышы. «Ақ бота» Республикалық интеллектуалдық марафонынан, 2015 жылы «Человек и Природа» Халықаралық ойын-байқауынан, «Кенгуру – математика для всех» Халықаралық интеллектуалдық марафонынан, ағылшын тілінен «BRITISH BULDOG» Халықаралық конкурсынан  және «ПОНИ»   «Жаңа ғылымдар» зияткерлік  байқауларынан  Сертификат және Диплломдар иемденген жүлдегер шәкірт. Мектепішілік Ана тілі пән олимпиадасының І орын, Математика жене Қазақ тілі пәнінен ІІ орын, Қазақстан тарихы пән олимпиадасының ІІІ орын жүлдегері. 2017 жылғы «Уақыт алтыннан да қымбат» атты білімділер байқауының І орын жүлдегері, Диплом иегері. Мектепаралық «Топжарар» атты байқаудың Мадақтамасымен марапатталған. «Көктем аруы – 2017» байқауының І орын жеңімпазы. 2018 жылы www.nio.kz Республикалық Ұлттық Интернет Олимпиада сайты ұйымдастырған Технология (қыздарға) пәнінен қашықтық олимпиадасының І дәрежелі Диплом иегері атанған жеңімпаз. Сондай-ақ «Математический футбол – 2018» интеллектуалдық турнирінің Сертификатын иемденген. 2019 жылы «ZHAS ORKEN» математика пәні Республикалық қашықтық олимпиадасының І дәрежелі Дипломы және А.Байтұрсынұлы атындағы ІІІ Республикалық қаақ тілі мен әдебиеті олимпиадасының жүлдегері, ІІ дәрежелі Диплом иегері. «Самұрық» математикалық зияткерлік сайысының ІІ орын алған жүлдегері. 2019-2020 оқу жылында Республикалық «Altyn tobylgy» зияткерлік сайысының қатысушысы және «Русский медвежонок – языкознание для всех» конкурсының Сертификаттары мен «Золотое руно» зияткерлік  байқауының ІІ дәрежелі Диплом иегері. Анель Алмасқызының ауыз толтырып айтарлықтай жетістіктері көп-ақ.
      Сүйікті ісі: Қолөнермен  айналысу, әшекейлік, тұрмыстық бұйымдар құрастыру, безендіру, түрлі-түсті қағазды, матаны  жапсырмалау, сурет салу, тәтті тоқаштар пісіру.
      Арманы:  Мектепті ойдағыдай бітіру, Грант негізінде жоғарғы оқу орнына түсу.