Спортқа бейімделіп, өмірлік жолын күреске толы физикалық жаттығу, өскен үстіне өсе түсу бағытына бұрған жастар бүгінде ынтымағы мен бірлігі мықты қазақ елінің қай өңірінде де жетерлік. Батырлық өсе келе айбындылықпен ұштасып, баланың жетілу жолында шынығумен қалыптасады. Солардың қатарында талай белдесулер мен мықты тұлпарға лайықты жарыстарда бақ сынап, небір жүлделі орындарды иеленіп жүрген жалынды жас Әлібек Абдуллаұлы 2007 жылдың 7 ақпанында Маңғыстау облысы Жаңаөзен қаласында дүниеге келді.   
      Таланты мен талабы бір арнаға тоғысқан өнерлі жас қатарластары алдында беделді, достары арасында сыйлы. Бала болса да робототехниканы терең меңгеріп, өзге де ғылыми жұмыстарға қызығушылық танытып жүрген жас ғалым сырттан қараған адамға «Ұлым болса - осындай болсын!» деп тамсандырып тұратын қабілетті жас ұлан. Қолына алған істі ұршықша айналдырып әкетіп, тұрып қалған роботтарға жан бітіретін қолы алтын талантты жас Жаңаөзен қаласындағы «Ақбота» балабақшасында тәрбиеленді. Адалдықтың дәнін жүрегіне еге білген әкесі Джанқасымов Абдулла  бастаған ісін қолдап-қолпаштап келе жатырған абзал жан. Бала армандарының орындалуы үшін, бар қолынан келгенін жасап, тілеуін тәңірден тілеп жүрген анасы Успанова Гүлбану ауыл арасында беделі мол, әулеттің ырысын кіргізіп отырған аяулы ана! Береке бірлігі ұйыған шаңырақты ағасы Аманов Жәми мен қарындасы Аманова Мадина үшеуі шат күлкіге бөлеп келеді.
      Ол мектеп табалдырығын аттаған сәттен бастап-ақ, жүрген ортасында белсенділік танытып, балабақшаішілік іс-шараларда өзін жақсы қырынан көрсете біліп, әркез шаршы топты бастап жүретін. алғырлығы мен зеректігі өз алдына бір төбе, қасындағыларды бір іске үйіріп алып кететін ұйымдастырушылық қабілеті бар, жанарынан от ұшқындаған алтын жүректі шәкірт. 
      Қазақы болмысты, ұлттық құндылықтарды, бабалар мұрасын басты байлық санайтын, топырағы қастерлі өлкеде балалығын өткізген, Әлібектің бойындағы жігер,  көздерінің сенім отының лебі күшті. Сабаққа үнемі дайындықпен келіп, сынып ішіндегі ашық сабақтар барысында өзін еркін ұстап, тақырыптың ашылуына зор үлес қосып, мұғалімнен үнемі жоғары баға алып жүрген жас болашағынан үлкен үміт күттіреді. Намыс туын кірлетпейтін, үлкенге құрметі жоғары, кішіге ізеті мол ұлан ұлағаты мол кітаптарды жиі оқиды. 
      Таңдап қонатын тәңірдің сыйын бойына қондырған Әлібектің жүрегімен жазылған отты жазбалары мен эсселері түрлі байқауларда жүлде алып келеді. Ақындардың жырларын мәнерлеп оқығанда тыңдарманын ерекше күйге бөлейтін қабілеті бар дарынды жас қазақ әдебиетінің жас қыраны. Мектепішілік пән олимпиадаларында жеңімпаз атанып, қоғамдық жұмыстардың бел ортасында жүретін қайсар әрі жігерлі, еңбекқор Әлібектің арманы асқақ.      - №3 орта мектебінің 1 «Б» сыныбын өте жақсы оқығаны және үлгілі тәртібі үшін, «Мақтау қағазы»;
      - Тәуелсіздіктің 25 жылдығына және 1-Мамыр Қазақстан республикасының Халықтарының Ынтымақтастық күніне орай Грек-рим күресінен 2002-2004 ж.т. жасөспірімдер арасында өткен қалалық турнирден III орынға ие болғаны үшін №1 БЖСМ директорынан Диплом;
      - 1-7-ші сынып оқушыларының зертеу жобалары мен шығармашылық жұмыстарының «Зерде» республикалық конкурсының мектепішілік кезеңінде биология, химия, экология секциясы бойынша, ІІ дәрежелі Диплом;
      - Республикалық «OZAT.KZ» ғылыми-педагогикалық, әдістемелік журналының ұйымдастыруымен балалар мен жасөспірімдер арасында «Отан қорғау – парызың!» тақырыбы аясында өткізілген Ұлы Жеңістің 75 жылдығы мерекесіне арналған «Ешкім де ештеңе де ұмытылмайды» көркемсурет шығармашылық байқауына қатысып ІІ дәрежелі Диплом;
      - «Кенгуру – математика барлығы үшін» халықаралық зияткерлік конкурсына қатысқанын растайтын Сертификат;
      - Таеквондо бойынша өткен қалалық сайыста III орынға ие  болғаны үшін ДЮСШ директорынан Диплом;
      - 2018 жылы Ресейдің Сочи қаласында «ISMA» халықаралық мектебінің ұйымдастыруымен   өткен   ментальды арифметика байқауынан Сертификат; 
      - 1 Маусым - Халықаралық балаларды қорғау күніне орай «Шахматтан» оқушылар арасында өткен жарыста III  орынға ие болғаны үшін Қалалық Оқушылар шығармашылық үйі директорынан  «Мадақтама»;
      - 2017 жылы Алматы қаласында өткен халықаралық ментальды арифметика олимпиадасында чемпион атағына ие болғаны үшін «ISMA» бас директорынан Диплом;
      - 2017 жылдың 1-ші қазанында Тайландтың Бангок қаласында өткен Халықаралық менталды арифметика олимпиадасынан II орын;
      - 2018 жылдың наурыз айының 24-ші жұлдызында Алматы қаласында өткен халықаралық олимпиадада менталды арифметика бойынша Чемпион атағына ие болды;
      - 2018 жылы Ақтау қаласында Қоғамдық-гуманитарлық бағыт бойынша 5-6 сынып оқушыларының облыстық олимпиадасында орыс тілі мен әдебиеті пәні бойынша  III дәрежеге ие болғаны үшін, Маңғыстау облыстық білім басқармасы басшысының атынан Диплом;
      - Ментальды арифметика мектебінде қалалық, халықаралық олимпиадаларға қатысып бас жүлдеге ие болғаны үшін қала әкімінен «Мақтау қағазы»;
      - 10-23.07.2018 жыл аралығында Алматы қаласындағы Сүлеймен Демирель Университетінде OXFORD VISION Ағылшын тілі бойынша Pre-Intermediate Level курсын тәмәмдағаны үшін Сертификат;
      - Videouroki.net жобасының халықаралық олимпиадасына белсене қатысқаны үшін, «Алғыс хат»;
      Сүйікті ісі: Шахмат ойнау, конструктор құрастыру, футбол ойнау, суда жүзу
      Арманы:  оқуды жақсы аяқтап, жақсы маман иесі болу.